CÁTEDRA INORDE

O 23 de marzo de 2004 constituiuse na Universidade de Vigo unha sección coa denominación CÁTEDRA "INORDE", financiada polo INSTITUTO OURENSANO DE DESENVOLVEMENTO ECONOMICO especificamente adicada á docencia, formación e investigación, así como a promover acordos específicos de colaboración entre as dúas entidades, para a Investigación e Desenvolvemento, nos campos científicos e tecnolóxicos que atinxen ás actividades do INORDE.

A través dela desenvolvense actividades e proxectos, en forma conxunta, sobre asuntos de interese para as Institucións asinantes da Catedra, entre as que, de xeito enunciativo, pero non limitado, menciónanse as seguintes:

1. O desenvolvemento de proxectos de investigación.
2. A organización e realización de todo tipo de actividades académicas como masters, cursos, conferencias, simposios, seminarios.
3. A Realización de reunións sectoriais e territoriais periódicas, nas que estén presentes institucións, axentes, sociais, económicos, empresariais e docentes/investigadores universitarios, que potencien a intercomunicación respecto das liñas de formación e investigación universitaria.
4. O apoio a investigadores e estudiantes.
5. A Posta en marcha de todo tipo de Instrumentos de apoio ó proceso de consolidación do Campus de Ourense, que reforcen a converxencia da súa oferta docente e investigadora coas demandas sociais.
6. O intercambio de publicacións, traballos de investigación e de calquera tipo de materiais académicos que resulten de interese
7. O intercambio e colaboración en todo tipo de proxectos culturais de interese común.
8. A Dotación de Bolsas así como a realización de prácticas de estudiantes dos últimos cursos.
9. Cantas outras sexan consideradas de interese mutuo, dentro das dispoñibilidades das partes e segundo a legalidade establecida na Lei 13/1995 de 18 de maio, de Contratos das Administracións Públicas.